分卷阅读88(4/7)

    果餐饭，佢就一直讲到佢复活节同Nicole去左日本几日旅行的开心事，仲有佢申请硕士入学的经过等等。

    全晚，我简直觉得系被双重打击。虽然，我一直笑笑口咁对住佢。

    （十七）

    大概知道Kenny就黎去读硕士，加上天气开始热，所以我主动约多咗佢打波。果一排我几乎每晚都打番两三晚波，而佢几乎约亲都出，话自己都想练番好啲球技咁话。果一个几月算系自从我地相识後见得最密的一期，有时打完波会去埋食饭或者宵夜，不过有时佢打完波就会去陪女。

    有一晚我地打完波之後，Kenny问我。

    Kenny﹕光哥呀，我七月中飞呀，打算下个礼拜搞farewell，你得唔得闲黎呀？

    我﹕如果周末应该得ge，但你班friend我唔识喎！

    Kenny﹕一定拣weekend啦，我会叫埋明仔架，你唔使怕唔识人啦！再唔系我介绍啲friend俾你罗，有几个几索架，仲单身添架！

    我﹕顶你～而家你有女巴闭啦！睇死光哥沟唔到女要你介绍呀下？

    Kenny﹕讲笑遮！系喎光哥，礼拜六得唔得闲呀？

    我﹕得呀？想约我？

    Kenny﹕系呀！不如礼拜六约打波之後再去我屋企罗，我有份礼物想送俾你呀！

    我﹕哦好啦！礼物？做咩送礼物俾我呀？

    Kenny﹕咁你上次都有送毕业礼物俾我呀麻，咁我咪送番样嘢俾你礼尚往来罗！

    我﹕哈哈死啦我上次送啲咁ge嘢俾你，你会送番乜俾我呀？

    Kenny﹕放心啦！保持神秘，到时你咪知罗。

    到左礼拜六，果日我地约左五点打两个钟波，之後再去食饭。果朝我起身果阵收到Kenny个p﹕光哥你带定要换ge衫啦，今晚黎我度过夜啦！

    其实收到佢个p时我有竟惊且喜，惊系之前都未去过佢屋企，而且明明话俾份礼物我点解要上埋佢屋企，咁喜当然系佢当我好朋友先会搵我上佢度啦，而且唔知点解我直觉果晚会有少少嘢发生。

    去到球场差唔多五点，但个太阳仲系好猛，一对一咁打波真系热到就黎中暑咁制，每打二十分钟都要抖下，打到六点半真系顶唔顺。

    我﹕喂顶唔顺啦，不如去食饭罗！

    Kenny﹕仲谂住同你开game添！

    我﹕下次啦！好热呀今日，再打中暑啦。

    Kenny﹕好啦。

    正当我差唔多执好晒嘢果阵，Kenny忽然拍一拍我。

    Kenny﹕光哥我想去冲个身呀，要唔要一齐呀？

    我﹕哦好呀～反正我都有带多套衫黎换。

    入到更衣室，除晒衫之後就埋去冲身，Kenny大约迟我三十秒，然後企我隔黎个花洒，我为意到个衰仔又有意无意咁昅我。

    我﹕点呀？仲昅我～以前乜都俾你睇过晒啦！

    Kenny﹕无呀！光哥，点解你包皮仲包住龟头ge？你唔系可以褪落黎啦咩？

    我﹕咁我都系锺意平时包住呀麻！放心啦我而家打飞机果阵会捋到落黎。做咩又咁多事呀你～

    Kenny﹕无呀关心下你遮～

    我﹕唔好咁多口水啦！快啲冲完凉去食饭啦。

    食完饭，然後坐地铁去Kenny屋企，佢住马鞍山，都坐左几耐吓。去到佢幢大厦个lobby，哗，一睇就知唔平，其实当初听到佢要去英国读硕士都估到佢屋企应该几有米。

    入到佢屋企，其实都成十点几，竟然都仲一个人都无。

    我﹕哗你daddy mammy呢？

    Kenny﹕佢地去左旅行呀！所以我先敢叫你上黎ja ma，佢唔锺意我带朋友番屋企架，连Nicole佢地都话唔俾系度过夜架。

    我﹕哦！哗～咁睇得起我呀！系喎你有无兄弟姊妹架？

    Kenny﹕无呀～

    哈哈其实以上对话都喺门口个鞋柜进行，然後Kenny忽然意识到未俾拖鞋我换。

    Kenny﹕光哥，拖鞋喺呢度，你当自己屋企得架啦，你入我房放低个袋啦。

    然後佢带咗我入佢间房，哗，仲大过我果间，一样系双人床，不过仲有张大书枱。

本章尚未完结,请点击下一页继续阅读---->>>