分卷阅读88(3/7)

    果一刻，真系好失落。谂番以前同佢过夜，就算之前果晚无玩，第二朝佢见到我晨勃都会撩吓我话要饮豆浆，估唔到今朝佢居然就咁走咗。本来以为有得同佢玩，等我忍咗几日无打飞机，结果而家只好开部电脑搵套gv，自己郁手解决。

    之後几个月，因为天气冻的关系，我自己都好少打波，同Kenny亦只有得闲喺facebook倾几句或者揿下like，联络比以前疏左好多。

    有一日佢p俾我﹕光哥，我下个weekend想搵屋企人同啲朋友黎同我影毕业相呀，你得唔得闲呀？

    咁耐无见佢，加上我果日亦无约，咁当然应承佢啦。

    到咗果日，我约埋明仔一齐去，准时十点半到，都见到唔少人喺度影相，Kenny离远见到我哋已经挥晒手。行到埋去，Kenny介绍咗佢父母俾我认识，听到佢父母话成日听Kenny提起有个光哥好照顾佢，然後不停同我讲多谢，搞到我几咁唔好意思。然後Kenny再介绍咗佢女朋友Nicole俾我认识，系细细粒粒，娇小的骰型，笑得好甜果种。

    Kenny﹕Nicole，呢个就系我师傅光哥啦！

    Nicole﹕光哥你好！Kenny成日同我赞你话你好犀利架！

    我﹕叫我阿光得啦。系佢学嘢快姐，佢就快打赢我架啦！

    Kenny﹕光哥系咪你怕我就打赢你所以呢排唔搵我打波呢？

    我﹕边系呀！系你有女朋友唔得闲湿我姐！

    Kenny﹕我边系啲有异性无人性ge人呀，等我忙完实搵你。

    成个影相过程，见到Kenny同Nicole好sweet sweet，果刻我有种mixed feeling。见到个衰仔搵到个人对佢咁好当然替佢开心，但另一方面真系觉得我同佢距离好似越黎越远咁。当然，我知道我唔可以强求啲乜，我哋只不过系打过几次飞机的好兄弟遮。

    隔咗两个礼拜，我send咗个message俾Kenny。

    我﹕喂衰仔？几时忙完呀？几时得闲打波食饭呀？难得你毕业，要请你食餐饭呀。

    Kenny﹕好呀！不如约六月头啦，我都想见你呀光哥，我到时都有个消息要同你讲！

    我﹕好啦咁暂定六月头啦。

    消息？佢会想同我讲啲咩呢？

    後来我地约咗去一间日本餐厅食饭。本来想食饭之前约打波的，但废事打到身水身汗黎高级餐厅食饭搞臭人地个场，加上果几日一直都落雨，所以我地最後只好约dinner。坐低咗，点完菜，我地就开始倾计。

    我﹕喂你又话今日有消息同我讲？乜嘢咁神秘呀？

    Kenny﹕哈哈你仲记得呀！系呀之前未同你讲系因为未firm，而家确实咗就讲得啦！我黎紧会去英国读硕士呀。

    我﹕哗劲喎，唔怪得之前唔听你讲搵嘢做啦！

    Kenny﹕系呀～daddy话有书就读完晒佢先出黎做嘢喎，而且我都想去外国体验下。

    我﹕咁你即系去几耐呀？

    Kenny﹕好似八月底定九月头先开学，但我想早少少过去适应环境，应该去一年啦。

    我﹕咁正ge！

    Kenny﹕我七月打算搞farewell party架！你得唔得闲黎呀？

    我﹕你定咗日子再同我讲啦。

    然後我攞左份毕业礼物俾佢。

    Kenny﹕可唔可以而家拆架？

    我﹕哈哈，你唔怕尴尬咪拆罗？

    Kenny﹕哈哈！唔通系sex toys？

    我﹕顶～我唔知你有呢啲癖好喎！

    Kenny﹕咁我拆架啦！

    佢打开咗，系一打Levis底裤。

    Kenny﹕哈哈！光哥你点解送呢样嘢俾我ge?

    我﹕你咁有钱好似乜都有咁，都唔知送乜！本来想送只网球拍架，但见你呢排又唔系点拍波！记得你第一次上我屋企见我着Levis under话我有钱呀麻，咁咪买够一打俾你罗！

    Kenny﹕哈哈你仲记得呀！多谢晒呀光哥！够晒实用呀。

本章尚未完结,请点击下一页继续阅读---->>>