分卷阅读6(1/2)

    （四）

    食完饭之後, 我地就返房玩房game, 好似火麒麟同超级估领袖咁。玩到咁上下, 有人就话:

    「系时候玩一生人一次喇。」

    我未听过呢只game, 但d组爸组妈将我地分开男女玩, 咁我地10个男仔就系第二间房玩。原来只game系要我地freshman戴住眼罩, 然後除低自己最重要既野, 估中先至算成功, 然後等最後一个人都完埋成个game就玩完。我地开始玩嗰阵, 大J就开始讲嗰样野一直束缚住我地, 只要我地勇敢D除低佢, 就可以完。我第一round就除低左自己个手表, 但原来唔啱。之後我地一直玩, 我放低埋我D电话银包, 但全部都唔啱。最衰我地玩既唔可以出声, 唔系我都想问隔离除低左D咩。

    跟住嗰round大J同我地讲只要我地一生人一次, 放胆D除低佢就会完, 唔好怕丑, 然後我开始听到附近好似有人除衫既声, 唔通其实就系要我地除衫? 於是我就将自己着紧件衫除低, 希望会完。但点知原来衫都唔啱, 之後我就听到好似有拉链同埋皮带声, 唔通要除埋条裤先啱? 大J头先又同我地讲只要放胆除就得, 所以我决定除埋条裤。但大J都话唔啱, 我开始惊, 好想快D可以除眼罩完。依家我全身上下只系剩返条着紧既三角底裤, 其他乜都除晒, 傻既都知答案系咩, 只系我估唔到佢地会玩到咁大。就系下round我谂住除埋条底裤既时候, 突然有人捉住我只手, 嗌:

    「够喇。个答案系眼罩。」个人除开我既眼罩, 我先望到原来系阿声黎。

    我望住大家, 原来佢地全部一早已经除晒眼罩, 望住我一个傻下傻下除到剩返条底裤, 仲差D除埋落去。嗰一刻, 我觉得自己真系好蠢好样衰, 即刻喊住走左出去。

    「杰仔！」我听到阿声系後面追出黎。「你无野呀嘛, 对唔住呀我应该早D出黎stop左佢。」

    我:「唔关你事, 我系嬲自己点解咁蠢。」

    阿声突然间揽住我, 同我讲无事, 佢地好快会唔记得。嗰下我成个人呆左, 估唔到佢会咁做, 但又真系几warm。本来我喊紧但都即刻无事。

    我:「我无乜野喇, 快d返去唔好要佢地等啦。」

    声:「唔紧要, 我同佢地讲左休息一阵先, 叫佢地做自己野, 你抖多阵先啦。」

    我:「咁好啦我系到抖多阵, 冷静完先返入去, 你返去先啦。」

本章尚未完结,请点击下一页继续阅读---->>>