分卷阅读12(1/1)

2018年1月，元旦还没过了多久，他们像普通朋友般走进油麻地的电影中心，购买戏票，然後等待开场。

「话说呢套好似系我睇嘅第一套三级片」Cyrus说。

「我都唔记得自己有冇系戏院睇过」

灯光逐暗，「我系咪冇同你讲呢套戏系法文？」Cyrus突然想起。

「冇喎，有字幕架可？」

「有嘅，我谂」

「冇嘅话，我会瞓着。」

三小时的电影其实对Cyrus来说有点闷，很多内容都好像是刻意拖长了。

「感染HIV除了是100%对方的责任之外??也是100%我的责任」

电影中有一句大概如此的对白，Cyrus偷看身旁的Wallace，拍了拍他膊头。

步出戏院，Cyrus看到双眼有点红的Wallace，问「喊呀？」

「冇呀边有」

「就系讲双方都有责任果句？」

「果句其实好啱??我自己都要负上责任」

「其实你知道左有hiv之後，有冇同你个ex讲返？」

「有呀，佢净系哦左一声」

「下？佢一直都知架？」

「应该就系」

「咁仆街嘅？其实你憎唔憎佢」

「冇乜感觉」

「如果见到佢？」

「我会扮见佢唔到」

「知唔知佢宜家点？」

「听讲佢冇食药，之前入左黎我做果间医院，好似好严重」

「但你冇特登揾record啦？」

「唔会啦，当佢冇存在过，反正佢点都唔会黎我果科度睇」

「我唔知咁讲啱唔啱??」

「讲啦」

「我睇完套戏之後其实某程度上觉得你好好彩，唔系个病呀我指」

「我明呀，有药食呀嘛，同以前会死嘅相比，真系好好彩，所以我话我系不幸之中最好彩嘅人」

「同埋你觉唔觉HIV系something more than just a disease？佢唔系净系一种疾病」

「咁系??？」

「好似系一种观念咁，好多时啲人话呀边个滥，然後就加多句佢有HIV，好似将呢两样野放埋左一齐，大家都好怕呢样野，但其实大家都唔了解呢样野」

「有时我都好难同人解释，我系玩得多，但我positive左唔系因为我玩得多」

「个病有得医，但大家都仲系觉得系会死，系好恐怖嘅野，之前你有冇比人因为咁而turn down过？」

「仲记得之前平安夜我约左人食糖水嘅？」

「兵兵个救生员？」

「系呀，其实之前已经约过几次，大家都好似有啲feel咁，平安夜果晚我上左佢度，同佢冲完凉之後，我好老实咁同佢讲我系hiv positive」

「咁之後佢好惊？」

「系，佢呆左，然後佢叫我走」

「下??果阵几点」

「好似两点定三点，我有话不如我瞓厅，佢系房，听朝即刻走，但佢话唔得，要我即走」

「咁你就走左？」

「系呀唔通点，佢仲要住筲箕湾，好彩果晚有通宵巴士」

「之後仲有冇讲野？」

「佢有道歉，但之後就消失左啦」

「个标签其实好强」

「惯左啦，始终唔系咩好事，惊都正常嘅」

「咁你之前想发展果啲人，接唔接受到你positive？」

「之前冇左下文果个？我谂得呱，佢拒绝我嘅理由唔关我个病事嘅」

不知不觉间，他们由电影中心走到旺角东站，在大堂拜别後，双方向着不同方向走去。

本章已阅读完毕(请点击下一章继续阅读!)