分卷阅读137(3/3)

    「好似好耐都无试过咁齐人玩到咁夜?」Anton 口入面仲喺塞满嘢食。

    我撑起充满红筋嘅眼睛，心入面默默计算咗一吓日子。「大佬Chris罗，成日都唔得闲。」

    「好似你哋唔使做咩？过得一两年你哋就明?啦。」

    我个脑浮现起每日七点半起身，搭个几钟车返工，然後OT到八九点嘅人生。搬返屋企对住唔想见到嘅人，同埋私隐完全被人蚕食嘅空间。

    仲有，未搵到嘅工，唔想投身嘅行业，唔想面对嘅工作。其实，我真系好清楚地知道，而家我而家前往紧嘅目的地，并唔系我想去嘅地方。但我一直行到嚟呢度，我已经，返唔到转头。唔通，我再报过Jupas，读多四年大学咩。

    我攞出手机，映低埋头食紧嘢嘅Anton，喺一边中下中下嘅Daniel，隔离chok紧样?紧电话嘅Chris。B贴上咗5点28分时间印，而我都开始觉得眼皮底有啲乾渴。

    「我哋就算Grad咗，每个月都起码要出嚟饮一次嘢！」我匆忙呑咗口入面嘅通粉，然後向大家宣布充满酒精浓度嘅决定。

    「你出到嚟先算啦，你住咁远。」Chris冷眼抛低一句。

    「喂，不如，我哋grad咗之後，四个搬出嚟一齐住罗。」反正返到屋企都系笃眼笃鼻，不如任性啲。

    我望住面有难色嘅Anton，同埋已经差唔多恰着嘅Daniel。

    「我就唔介意有人同我share租金嘅，但系你真系要凌晨五点钟倾呢样嘢咩？」Chris示意一下隔离两个都麻麻地神智清醒嘅人。

    出面嘅天空由淡蓝变成紫色，我唔知呢啲日夜癫倒嘅日子仲剩返几多，我同Anton有默契咁上咗架的士，同出面嗰两个挥挥手。Anton俟喺我膊头，随住奔驰嘅汽车而前後晃动。我以为佢训着咗，但系原来佢一直望住出面车嘅红色车尾灯。车辆驶上高速公路嘅高架桥上面，开始见到对面海嘅轮廓。

    「Benjie啊」佢用虚弱都几乎听唔到嘅声音叫我。

    「唔？」

    「讲样野俾你听」

    「系」

    「我其实?同Thomas?有啲嘢」

    我其实系有少少惊讶，不过佢咁讲之後，我回想返起，又好似唔系好出奇。毕竟，当初喺App度Match 到Thomas嘅都系佢。

    「哦?几时开始?？收得咁埋嘅?」

    「其实我哋唔系一齐，不过，叫做，有啲嘢罗。都有个几月?啦。你知啦，佢discreet?嘛?」

    「哦?」

    的士喺Hall门口停低，我哋行入局促嘅升降机，各自?咗自己嘅楼层。

    「Benjie啊?」

    「唔？」

    「你可唔可以应承我一样嘢？」

    「咩啊？」

    「你可唔可以唔好媾Thomas啊？」

    我沉默咗半秒钟，升降机喺停之前大力摇晃咗一下，门口打开，我拧转头咗一眼望佢，

    「得啦?唔使担心」

    升降机门关上，得返宁静嘅走廊，同埋长年唔闩嘅光管。

    突然被人叫醒嘅Daniel 好辛苦咁喺座位撑起，行出咗门口。睇佢脚步浮浮咁款，都知佢唔系好掂?啦。我截咗部的士，推咗佢入去。

    「禧利街，之後罗便臣道。」佢习惯成自然咁叫出口。

    「喂，去你度先啦」

    「送你先啦」

    「你咁眼瞓仲送我，得啦」我堂堂一仔，使乜零仔送返屋企。「罗便臣道先啦司机。」

    司机倒後镜望咗一眼我哋，无咩点特别留意就开车走咗。

    有啲醒咗嘅佢，开始喺我隔离?手机。

    「头先你同Benjie讲紧咩啊？」我问佢。

    「无啊?撞返个旧friend」佢停低咗不断碌嘅手机，「无咩特别」

    「你仲有无见到Hugo？」

    「之前嗰次之後就无啦，你仲?？」佢同我都好一致咁望一望倒後镜，司机好专心咁揸车

    「唔系?我以为?佢会想?」充满空隙嘅对话将最重点嘅字眼都漏空咗，但我谂佢应该知我想讲咩。

    「我谂，最近我都唔会想发展啲咩啦」佢好直接咁望住我讲，连留白都无。「起码Grad之前都唔会。」

    「好啊，Single is good」我不经意咁将展开嘅手臂拉近自己。

    车停低喺罗便臣道，太阳喺就嚟升起嘅时分将天空都提亮咗好多。的士门猛烈咁呯一声闩埋，司机倒後镜望一望我，

    「直去禧利街吓嘛？」

    「系，照去得架啦」

本章已阅读完毕(请点击下一章继续阅读!)