分卷阅读4(3/3)

    豪B：「既然系咁！大家分开走啦！」

    豪B呢一句好明显带住失望、理解、接受。我返到屋企，我整晚谂紧点面对豪B，正当我想训既时候……LINE传黎

    豪B：「训左未？」

    我：「……」

    豪B：「可唔可以当今日咩事都冇发生过？」

    我过左五分钟都冇回覆。

    豪B：「今日唔系我叫你黎！我谂系俊哥偷偷地用左我个电话叫你黎做GYM！我都唔想比你知我系基！同埋我屋企真系好等钱用，希望你了解我做既事系为左我家人。我唔想你离开我！你系我最好既老死！冇左你，我唔知点呀！」

    到左第二日返工，我个组同事呀希同呀正系到。

    呀希：「大个仔啦！琴日好玩吗？」（好似知咩事）

    呀正：「使咩问呀！琴日俊哥讲明健身中心单野你（我—JASON）跟埋，我想去都冇得去呀。」

    我呢个时候只系当冇事发生，一声不发！当我放下公事包，开住电脑既一刻，我眼角见到豪B返到黎。大家好似平时坐低做野，唔同既系大家今日冇任何交流。到左三点，我都要去上环搵LEO签约。当我起身果一下，豪B望一望我，好似有野想同我讲咁。但系佢之後望番电脑……唔知点解果一刻我好似好失望，不过算啦！

    一个人独自行经马路，唔知点解经过Ｍ记。脑海突然谂起豪Ｂ同我见工果时既记忆，心入面好想知，点解人会变成咁。唔通钱真系改变人既一切？企系Ｍ记果一分钟，好似过左十年咁。脑海好似录影带，播放同豪B既回忆……

    小学老师：「大家好！小朋友，你地小一啦！我系你地既班主任罗老师！」

    同学们：「罗老师好！」

    罗老师：「我而家叫唔同既小朋友介绍下自己先！就果个肥仔啦！」

    豪B：「你系咪叫我？」

    呢个肥仔一起身，成个人扑低左。咁岩我就坐系佢左面，呢个肥仔都整到我扑低左，真系嬲到爆。豪Ｂ同我第一次交流，相信系呢次啦。过左一排，唔知点解日日返学放学都见到呢个肥仔。

    我：「你重咩日日跟住我呀？」

    豪B：「边有跟你？」

    我：「我返屋企，你就跟住黎！烦到死！」

    豪B：「我先唔跟你！你一阵先行！」

    我：「我先唔同你行！」

    点知差唔多返到去，我就见到豪B原来同我同一栋大厦。但系点解後尾我地称兄道弟呢？因为有次我系楼下公园见佢比Ｄ大哥哥打，我谂都唔谂过去帮佢。我一口咬住打佢果个人，点知连我都比人打埋。好在咁岩有警察经过，我同佢就冇事啦。果次之後，虽然我地各自都比呀妈打左一身，但系豪B系果一刻就每一日都倍住我。无论返学，放学，出街，拍拖等等。一切一切好似唔可以遗忘……

    时间过得好快，同LEO倾完份约啦。头先去佢公司果时，重要好惊。真系好怕好似上一次咁，但系好在佢公司好多人姐。系时候都要食饭，呢个时候电话响起……

    豪B：「你系边呀？我未食野！」

    我：「上环！做咩？」

    豪B：「今晚打冷好唔好？」

    我谂左五，六秒……

    我：「好呀！你系铜记SOGO等我呀！我都要买D野！」

    到左铜记之後，我系SOGO买完野，一出黎雨落得好大。我见到豪B，佢用一个好开心既表情望住我！我行过去旁边……

    我：「做咩成身湿哂呀？」

    豪B：「我系中环知道同你食饭，好快过黎，唔记得拎伞！」

    唔知点解，我个心唔系好舒服！系公事包入面拎左条手巾仔……

    我：「傻左呀你！一阵搭巴士冻亲呀！咁大个人都唔识照顾自己！自己印下个头啦！」

    豪B：「哦！」

    豪B好似成只绵羊仔咁！我叫佢做咩，佢就做咩。佢一手拎起我把伞开左，左手揽住我，右手拎住伞。

    豪B：「呀晨！今日我黎服务你啦！」

    我：「唔好揽住我呀！核突呀你！我唔系GAY呀！」

    豪B：「大雨呀！唔好出声好唔好！」

    之後豪B就揽住我过马路，我个心唔知点解好开心。我感受到佢身体既体温，胸膛之後，重有香水既味道。我好似一个少女咁，超级唔好意思。当我到左巴士站，定一定神之後，我本能反应推开左豪B！

    我：「你排住队！巴士到左，我同你上车！」

    点知，巴士好快到左。我同豪B坐埋一齐，大家都好似好累。但平时我系巴士系训唔到，眼见豪B系我旁边训左，佢个头就放左系我肩头上面。呢一刻，我再谂起果日发生既事。望一望豪B熟睡既样，我真系唔想佢再因为钱出卖自己。我好小心咁除左件西装外套，好怕整醒豪B，之後放左件外套系佢身上。不知不觉间，我只手就系外套底上，拖住左豪B……

本章已阅读完毕(请点击下一章继续阅读!)