分卷阅读35(1/3)

    （七）个个都单身，唔通个个都想单身咩？ （上）

    Benjamin 视角

    阳光照入房入面，令我慢慢睁开眼。刺激嘅光线令到我後脑传嚟隐隐嘅痛楚。

    我依然混乱嘅脑海仲以为自己喺个hall入面，直至见到唔熟悉嘅床铺，同埋训喺我侧边嘅Daniel，我先突然好似被注入返寻晚嘅记忆，喺大马路上面喊，同埋同Daniel发生嘅好多好多嘢。虽然，我记忆中寻晚去到最後系我引诱佢嘅，但我到不禁问咗自己一句，

    我望住Daniel，佢背对住窗口，心口随住呼吸而起伏，我突然谂起寻晚我将个头埋入佢心口嘅感觉，好舒服，好安全。阳光系佢宽厚嘅膊头镀上一层金光，一直扫上佢颈下面嘅轮廓线。佢眉头一皱，我仔细咁望佢个样，原来我从来都无留意到佢睫毛咁长，个眉好笔直咁指向额角，高挺嘅鼻梁呼出温热嘅空气，嘴唇微微打开。佢嘅一切都咁修长而整洁，好似只要靠近佢身边，一切混乱都会松解。

    佢慢慢擘大眼，浅啡色瞳孔抵受唔住突然刺入视网膜嘅光而难以张大，但佢见到我个样就露出咗一个微弱嘅笑容。

    「醒咗啦？」佢声音入面仍然流露睡意。佢伸咗个懒腰，被单跌落佢腰间，一排排嘅腹肌因为阳光嘅照射而更加立体，随住伸展而拉扯，令我本身都唔察觉已经扯扯到嘅下体又蠢蠢欲动。但我知道，酒醒之後，我哋就唔会再提寻晚嘅事。我同佢讲话我想冲个凉，然後就趁机走入冲凉房降吓温。

    我冲完凉无着衫裤围咗条浴巾就咁就走出去，第一次去Daniel屋企令我有啲唔知佢间房系边间，但佢听到声之後即刻扯我入房，

    「你系咪傻?，我细佬就系隔离房瞓紧咋。」

    见到佢大为紧张个样，我忍唔住笑咗，

    「咁我无衫着呀嘛，全部都喺你间房度。」

    Daniel喺柜桶度攞咗件Tee shirt俾我，

    「你寻晚件衫污糟?啦，我借件俾你啦。」

    佢喺床头柜度拎个风筒出嚟，然後帮我吹头发。暖风轻轻吹过头发入面嘅水滴，佢嘅手指喺我嘅头上面不断来回扫拨，佢手指嘅触觉喺我头皮之间掠过，我自自然然咁露出享受嘅神情。

    「喂，自己吹啦。」

    「你帮我吹啦，好舒服呀。」

    「咁懒?。」

    「以後收你做我嘅吹头兵。」

    「食屎啦你。」

    「你都吹咗我下面个头啦，吹埋呢个唔紧要啦。」

    「你喺咪以为自己好好笑啊。」但佢仍然唔争气地笑咗，轻轻推咗我膊头一下。

    吹完头之後，Daniel同我都着返好衫。我坐喺窗台望出去窗出面，可以望到成个维港。我谂，净系呢个景，应该唔只值几千万。假日早上嘅中环散发住一种佣懒嘅感觉，闪烁嘅海平面间唔中有一艘艘船划过，留低一条白色嘅轨迹，又被水面抹走。窗口前面就系高耸嘅IFC，下面仲有一排排嘅住宅，每日望到咁嘅景色，都几有气势，我应该一世都唔会睇厌。

    我将视线转移到去房入面，Daniel嘅一切事物都好整齐，白色书枱上面有各式各样嘅书，衣柜入面嘅衫都好整齐嘅挂好，窗台上面嘅嘢一尘不染，对比起我hall入面乱七八糟嘅嘢，我真系惭愧咗一秒。我行近佢痴满相嘅CD架，见到一张张我唔识嘅人，佢啲中学同学，同埋佢啲大学friend。

    「都无我嘅。」

    「我哋有影过相咩？」

    「好似无。」

    我突然谂起，然後喺我银包度摷咗阵，拎咗我张证件相出嚟。呢张都算映得唔错，我拎咗啲blue tack就痴喺佢啲相中间。

    「yeah!搞掂，即刻靓哂。」我得戚地望住佢。

    「叻啦叻啦。去边食早餐呀？」

    「唔?我想食胜香园！」

    「好呀，行落去都喺两个字啫，几近。」

    「Dandan呀??」我借啲意盘算住，乘搭其他嘅交通工具。

    「咩呀？」

    「你呢，咪啱啱考咗车牌嘅?」

    「吓，咁近都揸车呀？」

    「趁你爹哋妈咪唔喺香港你先有得揸?咋，迟啲佢哋返嚟你又无得揸?啦。今日我委屈少少，陪你游车河练车又点话」我露出诚恳嘅目光，表示我一定要坐到佢架车。

本章尚未完结,请点击下一页继续阅读---->>>