分卷阅读150(3/3)

    无论你喜欢谁 请你记住留下给我这位置

    我望住佢，我擘大个口，声带喺喉咙尽头想要发出声音，但被我用锐利?匙羹倒咗一大啖仍然温暖?Risotto盖住咗声音。

    时常在内心一隅 空出几寸为我坚持

    晚饭过後，雨势好似停咗，我望住地面?积水，行返去铜锣湾?心脏地带。

    「你?唔想上22楼？」Daniel有啲惊讶我路过霎东街路口，竟然无提出要去老地方。

    「今晚都系麻麻地」我拧拧头，唔再喺人群之中逼嚟逼去。

    「咁?你想唔想上新开5楼嗰间？」

    「都麻麻地」

    「咁乖?？好少可喎」佢应该以为今晚会同我饮到好夜，所以望咗一望时间?佢，都有少少不敢相信而加只不过九点几，「咁我哋?返去？」

    「陪我搭叮叮返去？」

    「好啊」

    我哋唔知点样行行?去到崇光门口。对比起时代地下着住背心，三五成群?仔仔，一越过波斯富街，就好似去咗另一个世界，男男女女拖住手拍拖?地段。

    「叮叮—」

    电车喺我哋面前停低，门口自动咁打开，我哋行上电车上层，喺最尾?位置并排而坐。对面?位置因为雨水撇入嚟而有啲湿，但无人闩埋打开?车窗。

    电车行驶?路段都有啲扽，金属敲撞?声音偶尔盖过我哋讲嘢?声。我望出对面，巴士爬过我哋头，拉起一阵风喺对面?窗口吹入嚟。

    「其实，点解你咁突然决定要去大阪?？」

    「你有无觉得呢?呢几个月，我唔同咗啊？」

    「约少咗fun算唔算啊」我想要搞个gag 嚟缓和一下突然严肃?气氛，但好似令场面更加尴尬。

    「算?都系?其中一个变咗?地方」佢笑之前停顿咗一下，「但重点系，我发现自己，一直都浪费紧时间」

    「咁大家都浪费紧时间架啦」我叹咗一口气，望住一盏又一盏划过?街灯。

    「我哋都就Grad啦，其实都无时间俾我浪费落去」佢望一望自己?手指，好似计算紧啲嘢。

    「咁你想去大阪，就系唔想浪费时间？」

    「我发现咗，原来我唔系一个好勇敢?人。」佢望出背後?窗口。「我走之前嗰几星期，好似有好多事突然发生咗，我发现我都无啲时间同自己一个相处一下，疏理清楚自己?情感，」佢望住佢自己只手，「我发现咗原来有时候，逃避系面对之前?必经阶段。」

    「哗，好深奥喎」我知道佢讲紧?系咩，但同时，我又想知道，究竟我喺呢个混乱之中，扮演紧咩角色。「咁你，有无搵返自己」

    佢笑咗一声，几乎系苦笑咁。

    「我以为，如果我搵返自己，一切都会sorted out。但原来，好多plications 会发生，甚至，短短一个星期。」

    我开始有一个预感，佢会讲啲咩。

    「你知唔知，当我第一次听到，你同Anton之後，我有几唔开心。」

    佢个样似系笑紧，但绝对唔系开心。我唔知讲咩好，於是，佢继续讲，

    「我以为，我以为我哋之间，系多过正常朋友」

    佢避开我?视线，我知道，讲得咁直白，对於佢嚟讲，已经系好困难?一件事。

    或者嗰日喺西九，我就应该要问佢呢个问题。其实我知道咗答案，而如果我问呢个问题出口，我就净系得一个答覆可以俾佢。

    「雷仲庭，你系咪锺意我？」

本章已阅读完毕(请点击下一章继续阅读!)