分卷阅读1(1/7)
以下内容实属虚构，如有雷同，实属巧合
PS 故事是用广东话打的
故事角色列表
李嘉龙(Kennon)──主角,学生
张晋卫(Wayne)──学校医生
霍龙杰(Keith)──体育老师
蓝耀明(Markus)──嘉龙同学
霍灏霆──体育学会体操队队长
江子骏(Sheffield)──李嘉龙前学校同学
Ch.1 W
＜嘉龙视角＞
我叫李嘉龙，英文名叫Kennon，今年17岁，身高177cm，我?取向当然系锺意男仔啦，同埋到宜家仲系一个处男。我系同爸爸妈妈哥哥住，佢地已经知道我系一个member，佢地都好开通，话锺意咩性别冇咩所谓，最重要系识人时要保护自己。宜家读紧中学，但屋企人想我入到一间好大学，所以就转左黎呢间私立学校读书，呢间学校系一间男校，除左平日上堂之外，放学後学生一定要参加一种课外活动直至毕业。睇一睇个课外活动list，真系咩都有，体育，音乐，棋艺到魔术，厨艺咩都有。而且好多学生之後唔系入港队就系入好有名?大学。唔怪得之呢间学校咁出名。睇返咁多种活动入面真系唔知拣咩，样样都想试下……但好在系下个月先拣，仲有时间可以慢慢谂。讲还讲，我已经到左学校，因为今日要搞埋个入学手续。其实今日有D 唔想黎，因为今日又有成33度，黎到学校门口已经湿晒，所以我决定去个厕所抹个汗，整理一下个人先去搞入学手续。去完厕所，谂住去office，但我唔知系边，依家又放紧暑假，学校四围又冇人，终於行行下见到有个男人，但呢个人衣着有d怪，佢出面系件医生袍，但点解入面会系T-shirt，短裤加波鞋？？算啦，都系搵左office先。
「唔该，我想问office点去？？」我问。
「你由前面上一层，然後直行转左就到啦。」个男人就答。
系佢讲紧期间，睇到佢个名牌，佢叫张晋卫，个样又几靓仔，我谂佢应该系校医，系学校入面有个医生我都系第一次见到。过左20分钟，终於都搞好晒d野，见时间仲早，唔想咁快就返屋企，就打算四围行下。呢间学校真系好大，有个大草地，仲有球场，泳池咁，唔讲仲以为呢度系间大学。呢度有好多活动室，每个活动室出面有个壁报板介绍唔同活动。行行下见到有个壁报板介绍体育学会，原来体育学会入面仲有分唔同?队伍，有游泳队、足球队、排球队，连体操队都有。各个队伍都有好多相可以睇，睇睇下就发现体操队入面个个人都好大只，除左大只身材好，个个都系靓仔。而教果个阿sir仲靓仔，个board写佢个名叫霍龙杰。同我一样，个名都有个龙字，如果比我见到佢真人就好啦。
行下行下，见时间差唔多，都系返屋企。返到屋企，就谂住上下网同睇下Facebook。
系Facebook入面个Friend suggestions。我见到有个人好熟口面，呢个叫Wayne g。我揿入去睇一睇，发现我用佢有几个on friends，而且全部都系member。再回想起呢个人，谂下系边度见过。呢个咪就系张晋卫，唔通佢系member，本来想add 佢Facebook，但谂返都系观望多阵先，宜家add人好似唔知点咁，佢可能已经唔记得我系边个。睇睇下突然记得听日要返学拎校服，睇下会唔会有机会见到张晋卫。
Ch.2 霍龙杰与蓝耀明
＜嘉龙视角＞
今日10点返学校拎校服，一睇件校服―白色?恤衫同裤，真系够乾净。拎完校服见有时间，就打算四围行下，了解下呢间学校。行左阵，入到图书馆，真系好大，好似大学?图书馆。行行下，睇左几本书，咁就过左一个钟。之後谂住去其他地方睇下，准备走果阵见到张晋卫同一个男仔系度倾计，见佢地倾得好开心，佢地应该好熟。突然间有d急想去厕所，入到去见到有个人系度洗手，望望下发现呢个人好似唔知系边度见过。突然间，果个人见到我系咪咁望住佢就问我。
「同学，你冇野吗？系咁望住我？」
「冇呀，我觉得我唔知系边度见过你。」
「我系霍sir，你冇可能唔知我系边个。」
「其实呢，我系新生黎。但我好似唔知系边度见过你。啊！我知系边见过你，寻日系个壁报见到你?相。」谂左阵我终於知佢系边个，估唔到寻日话想见佢，今日就真系见到。
「你好，我系霍龙杰，系呢间学校?体育老师。」霍sir好正式咁介绍自己。
「你好，霍sir，我叫李嘉龙。」打完招呼，认真望住霍sir，佢真系又大只又靓仔，体育阿sir真系唔同D。
「系呢，你拣左课外活动未？」
「未呀。」
「如果未你有冇谂住玩体操？我系体操队?负责老师，刚刚有个同学毕业，宜家有一个空位可以收一个学生。你谂下先，你有兴趣可以系开学之後搵我。」
「其实我未玩过体操，不过可以试下！」
「好呀，不过你未玩过体操，所以会同你做过简单测试，睇下你适唔适合。」
「冇问题，几时？」太好啦，又可以见到靓仔阿sir，如果入埋体操队咪可以好多时见到佢，可以系咁J佢，我又开始FF Mode。
「下星期一10点你方唔方便，到时你去校务处搵我。」讲完之後霍sir就离开左。
行行下觉得有D口乾，打算去teen买支水饮，点知想买水果阵，弊！！！我个银包呢？唔通跌左？我即刻谂返头先去过?地方，得厕所同图书馆。首先去左厕所搵，冇发现，然後我就去图书馆搵。入到图书馆，我行去刚刚坐低同拎书?地方睇过，结果都系搵唔到，正当我唔知点算?时候，有个男仔行过黎。
「你系咪李嘉龙？」
我好奇怪点解佢会知道我个名，之後佢张系手上拎住?野比我，原来佢执到我个银包。Check左入面冇唔见野，想多谢佢，但我唔知佢叫咩名。
「多谢你呀，你系？」
「我叫蓝耀明，但我好似未见过你。」
「系呀，我系新生，下年先会读5A。你呢，你系咩班呀？」
「我下年都系5A。」
世界真系细，咁快就识到个同班同学。
「你走未？我想行下，一唔一齐？」耀明问。
本章尚未完结,请点击下一页继续阅读---->>>