分卷阅读135(3/3)

    「佢问我叫咩名，仲话我好熟面口?」佢停咗一吓。「哈哈，」佢竟然笑咗几声。「我一直都喺度等紧，估唔到我终於决定唔等啦，然後又出现返喺我面前。」佢嘅语气轻松到有啲?不可思议。

    「你?决定唔等？即系点啊？」

    「无啊」佢不经意咁笑住咁望住我，下弦嘅嘴唇弯到上嘴角，唔知有咩意味。「总之就唔等啦。今日我先知道，原来我一直等紧嘅嘢，都系自己带俾自己嘅幻象。我以为我喺佢心入面都留低过少少痕迹，估唔到，佢连我系边个都唔记得。」

    佢嘴上面仍然有嗰个恍然大悟嘅笑容，但眼入面嘅焦点望住我。佢整齐嘅头发经过一晚之後散落喺额头前面，遮住咗少少眼角。我手指沿住原本嘅发型扫开头发，指尖沿住轮廓嘅边缘滑落。我同佢就咁对望咗五秒，然後好有默契地转身离开。

    时间已经去到将近五点钟，而酒醉嘅人第一个反应系去食个早餐。虽然眼皮已经下垂到即将闭合，但系新鲜炸起，仲滴紧油嘅薯饼，同埋温暖嘅扭扭粉实在太过诱人。已经唔知道点样去到位入面嘅我，见到捧到面前嘅嘢就急不及待地开餐。

    「好似好耐都无试过咁齐人玩到咁夜?」Anton 口入面仲喺塞满嘢食。

    我撑起充满红筋嘅眼睛，心入面默默计算咗一吓日子。「大佬Chris罗，成日都唔得闲。」

    「好似你哋唔使做咩？过得一两年你哋就明?啦。」

    我个脑浮现起每日七点半起身，搭个几钟车返工，然後OT到八九点嘅人生。搬返屋企对住唔想见到嘅人，同埋私隐完全被人蚕食嘅空间。

    仲有，未搵到嘅工，唔想投身嘅行业，唔想面对嘅工作。其实，我真系好清楚地知道，而家我而家前往紧嘅目的地，并唔系我想去嘅地方。但我一直行到嚟呢度，我已经，返唔到转头。唔通，我再报过Jupas，读多四年大学咩。

    我攞出手机，映低埋头食紧嘢嘅Anton，喺一边中下中下嘅Daniel，隔离chok紧样?紧电话嘅Chris。B贴上咗5点28分时间印，而我都开始觉得眼皮底有啲乾渴。

    「我哋就算Grad咗，每个月都起码要出嚟饮一次嘢！」我匆忙呑咗口入面嘅通粉，然後向大家宣布充满酒精浓度嘅决定。

    「你出到嚟先算啦，你住咁远。」Chris冷眼抛低一句。

    「喂，不如，我哋grad咗之後，四个搬出嚟一齐住罗。」反正返到屋企都系笃眼笃鼻，不如任性啲。

    我望住面有难色嘅Anton，同埋已经差唔多恰着嘅Daniel。

    「我就唔介意有人同我share租金嘅，但系你真系要凌晨五点钟倾呢样嘢咩？」Chris示意一下隔离两个都麻麻地神智清醒嘅人。

    出面嘅天空由淡蓝变成紫色，我唔知呢啲日夜癫倒嘅日子仲剩返几多，我同Anton有默契咁上咗架的士，同出面嗰两个挥挥手。Anton俟喺我膊头，随住奔驰嘅汽车而前後晃动。我以为佢训着咗，但系原来佢一直望住出面车嘅红色车尾灯。车辆驶上高速公路嘅高架桥上面，开始见到对面海嘅轮廓。

    「Benjie啊」佢用虚弱都几乎听唔到嘅声音叫我。

    「唔？」

    「讲样野俾你听」

    「系」

    「我其实?同Thomas?有啲嘢」

    我其实系有少少惊讶，不过佢咁讲之後，我回想返起，又好似唔系好出奇。毕竟，当初喺App度Match 到Thomas嘅都系佢。

    「哦?几时开始?？收得咁埋嘅?」

    「其实我哋唔系一齐，不过，叫做，有啲嘢罗。都有个几月?啦。你知啦，佢discreet?嘛?」

    「哦?」

    的士喺Hall门口停低，我哋行入局促嘅升降机，各自?咗自己嘅楼层。

    「Benjie啊?」

    「唔？」

    「你可唔可以应承我一样嘢？」

    「咩啊？」

    「你可唔可以唔好媾Thomas啊？」

    我沉默咗半秒钟，升降机喺停之前大力摇晃咗一下，门口打开，我拧转头咗一眼望佢，

    「得啦?唔使担心」

    升降机门关上，得返宁静嘅走廊，同埋长年唔闩嘅光管。

本章已阅读完毕(请点击下一章继续阅读!)