分卷阅读135(1/3)

    OK

    送俾你嘅小礼物

    十六 （唔知呢章叫咩住，可能叫「有食唔食，罪大恶极」） （唔知分几多段，呢part四分一都无）

    我将手上面嘅试卷递上俾tutor，佢露出友善嘅笑容，将红白色嘅咭纸收好。我行出讲堂，虽然无阳光普照嘅天气，但有啲风轻轻吹埋嚟嘅感觉都好舒服。虽然只系过咗一个mid term，但接住落嚟嘅Reading放嘅一个星期假，的确有种令人解脱嘅感觉。

    但其实寻晚温到差唔多通顶嘅我一早已经筋疲力竭，返翻Hall补眠之後，一醒就系啱啱返房嘅Thomas。

    「Sorry，嘈醒你啊？」佢望到拮咗半个身起身嘅我。

    我望一望出面仍然未日落嘅天色，出面嘅斜坡伸展落密集嘅大厦。我摇摇头，

    「唔系啊，我都系恰阵啫。」

    啱啱起身嘅我拎起就放喺床边嘅Macbook，check咗几个email，又偷望咗眼喺度温书嘅佢。

    「有咩做啊今晚？」我试探性咁查问佢。

    「Nothing special」

    「我今晚可能落铜锣湾饮嘢喎，你join唔join？有Anton、Daniel佢哋?」

    「?唔?I dont know?麻麻地想去玩」

    「ok」

    自从唔知边个星期开始，我就喺房入面无再着裤，净系着一条贴身平脚底裤，连我自己都觉得有啲暴露，有时我都惊自己扯扯地旗，尤其是好似而加呢种啱啱训醒嘅时候。

    但系佢都系好似无咩反应咁。

    特别系呢个星期，佢好似?好平静咁。虽然佢本身就唔系个好嘈嘅人，而今个星期佢都无特别讲少咗嘢，但系唔知点解都系有种唔同嘅感动。我一开始以为系因为输咗softball，但而家感觉又唔似。

    「?所以你哋话系咪好奇怪？」我喺铁炉上面夹起一块仲冒烟嘅牛肉，边缘位置有少少燶咗。牛肉点过一下烧汁，直接去到我嘅嘴入面。

    「喂啊旧牛肉系我?！」Anton大叫，「你要你自己烧啊嘛」

    「喂啊唔系啊，你觉得怪唔怪先」我专登差开话题。

    「诶?Not match罗?你?真系想媾Thomas咩？」Anton营营役役望住我，好似好想知我答案咁。连带侧边嘅Daniel同Chris都静心咁等我答案。

    「咁又唔系，但系起码知自己有机都好啊，Thomas喎?食到就正啦。」

    「肤浅」Anton讲咗句。

    「嗱，学大佬Chris话斋，有食唔食，罪大恶极啊」我睄咗一眼Chris，佢无咩反应。我又夹咗旧猪颈肉落我度。

    「喂啊陈进彦啊！」俾Anthony响全朵嘅我，乖乖地嘻皮笑脸咁俾返块肉佢。

    「啱啊，有食唔食，罪大恶极啊」Chris又喺Anthony个碟度偷走佢块牛舌。

    「即系你哋可唔可以自己烧呢？」Anton又抢返嚟，光速咁食咗。

    「嗱唔好玩食物啊！好似上次咁成块跌落Benjie手机就唔好啦」无咩点讲嘢嘅Daniel终於开声制止我哋虾Anton嘅行为。

    「仲好讲，啲汤入哂落我手机speaker度啊，劲核突罗」

    「鬼叫你抢」

    食完烧肉去22楼其实系一个不智嘅决定，个肚又涨，个胃又满，然後个身又成阵油烟味。但系血气方刚嘅男仔们，点会理咁多。

    酒吧今晚好似唔系好多人，又或者系我地太早嚟到。扩音器播紧Rihanna嘅旧歌，有几个人围住吧台，但手入面已经揸住一杯嘢。

    我同Daniel决定去个厕所先，俟喺墙上面排喺厕所出面嘅人龙。

    「你真系锺意咗Thomas?」无咁嘈嘅空间好似令人想搵啲讲，又或者佢等咗好耐先问我。

    「唔知啊，咁我都无咩其他target」

    「哦?」

    「做咩啊？」

    「?无啊」

    佢好似沉思咗一阵，又或者只不过发紧吽哣。

    「你之前唔系话觉得对Chris沉咗船?咩？又无事啦？」

    「都无机?啦?」

    「咁你而家对住佢?仲会唔会有feel?」

本章尚未完结,请点击下一页继续阅读---->>>