分卷阅读121(4/5)

    「我又问你一个问题啊？」

    「问啦」

    「点解你，一直都唔拍拖嘅？」

    「我?等紧啲嘢」我又犹豫咗半秒钟。

    「其实，你喺度等紧啲咩呢？」

    几个月之前，我喺码头同Benjie讲，我等紧自己改变。

    但几个礼拜之前，我见返Hugo，我先发现原来自己根本无变过。

    我一直喺度幻想紧，会有一个人会突然之间出现，然後会令我有一种特别嘅感觉，好似我第一次见到Hugo嘅感觉。

    我以前以为系Hugo，我以为系两年前嘅嗰个人，我以为系一个好似佢哋咁嘅人。我一直都以为，我自己唔识得捉住，所以我等嘅嘢一直失诸交臂。

    而家，我先发现，我等嘅嘢，根本唔存在。我一直等紧嘅，都系自己嘅执着嘅幻想。

    电车轨上面嘅积水被行驶嘅车箱闯入然後划破，令到水面上面街道嘅倒影扭曲变形。黄昏时份嘅交道挤塞令电车停滞喺干诺道中嘅西港城外面，我企喺门口嘅位置，望住出面好似快进两倍嘅交通，人同人之间嘅摩擦，车同车之间嘅争锋。入夜之後，我好似唔知搵紧边个地方去好。

    我好锺意喺条街度浪荡，呢一点同Benjie好似。有时佢会拉我由Kong U行落过中环，完全for no reason。佢成日都话，「中西区无堀头路?。你以为无路行，点知一个巷仔又通返出大路。」

    我喺东边街附近落车，沿住极度陡峭嘅马路向上行，会通往高街鬼屋。隔离就系正街街市嘅嘈杂，Benjie 话，「如果啊婆喺度跌咗个橙，会一路碌落海。」而我又真系笑咗，有时都真系唔想笑佢系一个憨尻仔，但佢又真系咁憨尻。然後佢仲话，「chted by Benjie 喎」。

    我又忍唔住笑咗，喺条街度无啦啦傻笑，都唔知做乜。Best Western俗气嘅金砖墙拆射出着咗无耐嘅街灯。日照时间开始慢慢延长，令薄暮嘅边际期限都更加宽容。军蓝色嘅天空仍然仲有一丝太阳却步嘅痕迹，呢段叫航海暮光嘅时段入面，远航嘅水手已经可以观察星象嚟判断方向，但喺光污染入面长大嘅城市人，只能够望住十米高嘅街灯，以为自己见到好多星星。

    「公厕！」好大个路牌指住前面系公厕，每次Benjie行过见到都会丈叫一声，「我都系公厕喎。」佢指住自己，自己说完，又自己笑。中西区散布咗林林总总嘅公厕，浴室，有啲当街当巷，有啲捐窿捐隙先搵到。呢啲大部分都沦为渔塘嘅地方，成日都勾起Benjie嘅兴趣。「点解中西区咁多公厕呢吓？」

    「唔知喎」

    「究竟一个公厕，系由点样蜕化做渔塘呢？」佢好认真咁问。

    「交俾你研究吓」

    「咁我几时可以做到一个渔塘呢？」

    「乜你唔系已经系一个渔塘?啦咩？」

    「屌你咩」

    有时佢会无啦啦特登拣啲小路嚟行，转入一条窄巷入面，行前两步，停低，然後好似一个嗰啲导游咁挥一挥只手。

    「欢迎各位同学嚟到牙医学院，呢度系，Kong U 唯一真男神，Nick Sung嘅寝宫」

    「又特登行过嚟撞Nick Sung啊？」

    「系咁又点啊」

    「你都真系?好神心喎，俾你撞到又点呢？」

    「无?，离远咁望吓佢罗」

    呢个人，为咗仔仔可以去到几尽。但系今日经过牙医学院嘅我，都不其然咁环顾一吓四围，唔知，会唔会见到高大嘅身影喺附近经过。

    第一街、第二街、第三街、高街，越行越上嘅我都开始有啲气喘。高街鬼屋嘅花岗岩墙身对望住佐治五世纪念公园嘅石梯，喺入夜之後似乎更加灵异。IFC喺路嘅尽头出现，白色嘅灯光喺充满雾气嘅天空随意咁散开，好似灯塔咁引诱唔知情嘅雀鸟撞埋去。

    「你觉唔觉得呢，IFC好似一碌尻？」我当时真系完全唔知点覆佢，但自从Benjie咁讲之後，我又好似开始睇到少少尻嘅形状。

本章尚未完结,请点击下一页继续阅读---->>>