分卷阅读11(4/4)

    「唉呀好啦怕咗你啦。」佢只系想尽早训觉，所以唯有让开半个身位俾我训入嚟。我一脸得逞咁嘅样，训低落佢张床。佢好自然咁背对住我，调整咗一下张被就无出声。

    「Philip啊??」

    「唔？」

    「咁就最後一晚啦??」

    「做咩啊，你要同我表白呀？」

    「哈，你就想?大把仔俾我拣啦??」

    突然一下紊乱嘅心跳，然後又回复正常。

    「Philip啊??」

    「唔？」

    「唔好扑咁多嘢呀，会肾亏?。」

    「屌你啦，你就亏。」

    空气又回复静谧，一片黑漆漆嘅环境，我唯一感受到嘅就系，佢身体嘅温度喺被入面慢慢传过嚟。佢嘅呼吸声慢慢变沉，然後我慢慢擘大眼，就望着佢嘅後颈。窗出面极度微细嘅灯光反射入房入面，令人仅仅可以睇到好少好少嘅轮廓。佢突然转身，面对佢我，五官就喺我面前十厘米，佢每一下呼吸嘅声音，呼出嚟嘅热气，我都听到，感觉到。我伸出双手，想要趁佢训着觉之後，有些微嘅身体接触，唔知系佢睡梦中嘅自然反应，定系佢下意识都觉得都要个人揽下，佢竟然张开双手将我揽返住。我就咁按喺佢嘅心口同手臂中间，我心入面知道，呢个，可能系我同佢可以去到最亲密嘅地步。我唔想做啲咩越轨行为，因为，我同Philip，本来就唔系呢啲关系。

    夜夜笙歌嘅人总系训到黄朝百晏先起身。我哋原本纠缠一齐嘅四肢经过一晚嘅辗转之後松开，已经醒咗嘅佢若无其事咁喺度?紧手机。一早就已经执好一箱箱嘢嘅佢伴随住Gogo van嘅车尾灯离开，我望住驶远嘅车辆，然後上返间房，先发现条友唔知几时摆咗个信封喺我枱面。

    潦草嘅笔迹就好似year1嘅佢咁一直都无改变过，我打开信封，入面喺一张我哋year1 第一次High Table Dinner嘅合照，我翻转背後，见到佢留低嘅几行字。

    Benjamin

    「朋友，我当你一秒朋友。朋友，我当你一世朋友。」

    608室嘅过客。

    四年Hall Life 搏尽无悔过。

    多谢你，最佳损友。

    Philip

    2019.12.22

    当直仔做嘅咁窝心嘅事嘅时候，你真系不得不为之动心，然後对佢又爱又恨。

    却没人像你让我，眼泪背着流，严重似情侣，讲分手。

    署名下面，仲有一行细字。

    我将张相放喺书枱上面嘅水松木板上面，同我哋以前嘅相摆埋一齐。我闩埋挂住608号门牌嘅房门，呢排，应该得我一个喺度住。不过，佢份大礼，究竟系啲咩呢？Philip曾经上过Hall庄，而家都仲对Admission ittee 有啲唔通，佢帮我拣咗个新Roommate?

    ———————————

    人大咗，其中一个好常会经历嘅就系大大小小嘅别离

    身边嘅人来来去去，每走一个，就提醒自己长大咗几多。

    我知大家都可能以为故事走向系Philip同Benjie有啲超越友谊嘅激烈行为，

    好心你地几廿岁人，就唔好咁多食直仔嘅幻想啦

    其实，可能当时佢同我讲如果我系女仔就好嘅时候，就代表佢对我有啲超过朋友嘅感觉，

    如果我当初真系跨越界线做啲越轨嘅嘢，可能真系会有另一个ending。

    不过，世事就系无如果。佢唔系Philip，我唔系Benjie。一切都唔系好似故事咁美好。

    有时候，友情呢家嘢，比爱情更加强烈。

    唔知，Benjie嘅新Roommate，系边个呢？

    Philip，功成身退。大家唔好咁挂住佢啦。

本章已阅读完毕(请点击下一章继续阅读!)