分卷阅读118(3/5)

    「放心喎，我唔会讲出去」

    「Christy都唔讲得喎」

    「放心，我明嘅。Your secret’s safe with me?同埋，放心，no hard feelings，我唔介意嘅，呢啲嘢，年中都发生几次，哈哈，you’re still my bro」

    就算识弹琴嘅人喺学校随手指都有一个，但系要连埋和音部分，就数埋得个两三个。喺另外两个人都唔肯喺Christmas ball表演嘅情况，人选，就得返我一个。

    「你咪帮吓手罗」「系罗，有Hugo队Band真系气氛唔同好多?。」女同学们一致要求我舍身成仁，但佢哋对我嘅宭境毫不知情。

    「好啦！」

    「yeahhhhh, you’re the best!! 好啦，而家最重要嘅系，我哋已经同华仁嗰边夹好啦，佢哋出男主角嘅，就系Eric g啦，就系咁女主角呢，就我哋出嘅，有边个想做先?」

    人声被影相嘅吵闹盖过，喺课室嘅我，又望住当年嘅枱凳，唔知点解反而无咩感觉。就连我当年毕业嘅时候，我都无特别点样留恋呢个地方，可能我一早已经觉得自己讲咗拜拜，又或者，我知道自己迟早会再返嚟呢个地方。就好似而家面对大学毕业，我都无咩特别嘅离愁别绪。甚至，我觉得，我其实已经逾期居留。

    我无啲咩好刻骨铭心嘅中学回忆。无一段轰轰烈烈嘅恋爱，唔系一个出位嘅学生，喺学校入面都唔系啲咩好出名嘅人，或遑论Joint School界。所以我一直唔明，点解好似身边嘅朋友，Christy，Hugo，Michelle，肥仔，全部各自都系极受欢迎嘅人。有时我会觉得同佢哋有一段好远嘅距离，好似佢哋讲嘅人，倾嘅嘢，都与我无关。

    Christy同我以前锺意就咁样俟住栏杆，望落去下面操场。

    「雷仲庭，好难谂啊?」

    「生日礼物啫，有咩咁难啊？男仔呢啲，唔系波鞋就系打机?啦」我托一托鼻梁上面嘅黑框眼镜。

    「唉呀，唔识呀，啲波鞋咁多款」

    「AirJordan实无死啦」

    「佢上个礼拜先买咗对」

    「DW罗」

    「呢只啊？」佢摇一摇手腕上面嘅蓝白色表带配搭住玫瑰金色表面，系当年最兴嘅款色，「我生日佢先送咗只俾我，一人一只。不过佢都唔戴嘅。」

    「耳机罗」

    「唔要！咁奇怪」

    「?」

    「真系好难谂啊」

    我以为自己都几了解Hugo，但原来我连最基本买咩礼物都唔知，但要唔够Christy熟。不过又系嘅，佢系Hugo嘅女朋友，而我，只不过系一个普通朋友。无论几friend，都系一个普通人，连友达以上，都唔可以话系。

    「?其实呢?你哋下年?谂住点架？」

    「唔知??」面对生日礼物呢啲小事而头痛嘅Christy，反而面对分别好似无咩感想。「佢都揸3个ditional offer，我谂佢都去硬?啦」

    「你都去咪得罗」

    「我去到都两年後啦，」佢无意识咁搣紧自己手指，我望住喺篮框边缘徘徊嘅篮球，波鞋喺球场磨蚀嘅尖声，系唯一骚扰我哋嘅声音。「两年之後发生咩事，点知喎」

    Lab门口被粗鲁推开，一大班仲带住护目镜嘅人热切咁讨论一啲我仲未听得明嘅学术名词。佢企喺後面，纯白嘅短袖恤衫同窄脚嘅西裤非常整齐，好似连佢身上面嘅校徽都特别傲视同侪。

    「走啦，拜拜」行入课室拎起书包就走嘅Christy，束起嘅马尾喺身後面左右摇摆。行过嘅Hugo同我挥挥手，就系我全日唯一同佢嘅交集。湛蓝色嘅旗袍同埋军蓝色嘅校服裤慢慢远离我视线，剩低我一个谂紧，佢哋阵会去边度做咩。

    作为同时系佢哋两个嘅好朋友嘅我，因为自己一个而失落，又因为觉得失落，而内疚自己锺意咗一个最唔应该锺意嘅人。我望住课室入面被拉开嘅凳，阳光不敌课室入面嘅灯而显得黯淡失色，倒卧喺啡黑色嘅枱上面。我执好嘢，谂紧究竟补习之前应该去边度好。

本章尚未完结,请点击下一页继续阅读---->>>