分卷阅读8(4/4)

    不过，我好似有个错觉，Alvin讲嘢同唱歌不时会望向我嘅方向。一定系我嘅错觉！人地做歌手就系要做到每一个表情动作都能带动观众，而且令人觉得系同自己直接交流咁。

    唱完一首，众人随即鼓掌encore，Alvin毫不吝啬地送上第二首。连番精彩嘅表演，Katie等忠实粉丝固然拍烂手掌，不停尖叫，但想唔到连教授都非常投入，落力鼓掌。

    Alvin环顾众人，眼神真诚地说：「多谢学校邀请我参加今日嘅活动，能够同各位师弟师妹做义工真系好开心。」Alvin稍停片刻，眼神固定地直望住我，嘴角上扬，继续说：「好高兴认识到新朋友。」

    热烈嘅掌声和欢呼再次哄动整间酒家。

    「咕噜、咕噜」为咗避开对视，我马上拿起支啤酒再队。然而，轰动如雷嘅掌声，都掩盖唔住我激烈嘅心跳声。每一下心跳，就好似一下鼓声，重重地击落我嘅心头。

    搭船返市区後，大家即将各散东西。虽然真的不太自在，但我最後依然鼓起勇气走向Alvin，礼貌地说：「好高兴认识你呀Alvin，迟啲有机会再见。」

    Alvin露出一个调皮嘅表情，挑眉说：「系咪先？你搵我，我实出嚟?。你住边呀？使唔使车埋你？」

    我微笑摇头说：「唔使喇。你今日都累，早啲休息啦。」不过，我也渐渐习惯咗佢嘅热情，补充说：「放心，我一定会搵你嘅。开演唱会记得留飞比我！」

    呢个答案，Alvin似乎颇为满意。佢笑逐颜开说：「一言为定，Bye Will！」

    「Bye！」

    一日内睇完30个case，本身已经筋疲力尽，夜晚食饭又饮咗几杯，返到宿舍只想倒头就瞓。

    「我返嚟啦。」

    带住耳机嘅Jerry背着门口坐喺台前，没有回答，「雪」「雪」声食紧杯面玩手机。我谂就算火警佢都应该听唔到。我将运动袋放喺地上，除咗件衫就立即趴上床休息。

    「咦？原来你喺度呀？」过了好一阵，似乎Jerry终於食完个杯面先发现我嘅存在。

    「嗯。」

    Jerry故作神秘地说：「我suggest你临瞓之前熄咗电话先。如果唔系，啲message可能多到你瞓唔到。」

    我勉强睁开经已合上嘅双眼，问：「你讲咩话？」

    Jerry以一派口夸嘅语气说：「依家全香港都想识你啊靓仔。嗱，自己你睇?。除咗一张group photo，你个明星师兄Alvin就一口气upload几张同你影嘅selfie，转头就几万个like喇！」

    我对网络上嘅事情，一向都冇乜兴趣。我有气无力地说：「人哋系当红歌手，有成几十万follower，求其一幅相都有几万个like啦。」

    「宜家连娱乐新闻都有报道呀。呢度话你系大只牙医师弟、龙舟队主力、同Alvin一拍即合。哗、哗、哗，佢IG啲粉丝留言更不得了，我读比你听。。。」Jerry继续自说自话，而我则昏昏欲睡，毫无回话嘅意欲。

    「登、登、登」

    有message，仲有几张相连埋一齐，来自一个本身唔喺我tact list里面嘅人。除此之外，另有超过20个未读嘅新讯息。

    「Hi Will, you are such a special person. I'm really happy today. Look forward to our  date! ;)」

    看罢，心头一热，已经系今日不知第几次脸红了。

    《第4章：牙医义工队》完

    为了故事长远发展，未必次次都咁多甜、咁多肉，请大家见谅。但有甜的话，绝不会让大家失望，哈哈。

    呢一回对我嚟讲系个新尝试，要写细嘅感情变化其实难过写肉。人物性格同关系够立体，故事先会好睇，希望大家理解。

    下回预告：万圣狂欢，Jerry化身爆肌法老王出巡，征服万民！

    请留意《第5章：爆肌法老王》

本章已阅读完毕(请点击下一章继续阅读!)