分卷阅读207(8/10)

    呢次就系我第一次比人老强做零嘅滋味，点知一试上瘾，每当谂起做零果种快感直闯神经嘅感就会回味无穷．．．．

    睇完阿ken呢一篇日记，我觉得暗然神伤，呢个就系佢做零之路．．．再揭开下一篇，就更加明白阿ken嘅心路历程．．．．

    4/12/2011

    继续返工放工，每日见到阿ken，有生理需要时亦都会同佢搅吓嘢，佢嘅需索亦都吾细，我已经冇咩深究佢有冇去帮果班人接客，但佢好似成日都重系想要咁，而我回应佢嘅需索就越嚟越粗暴，吾知呢个系真正嘅我，还是我发泄对佢不满嘅一种表达方式呢？呢个系互动关系，我对越粗暴，佢就会表现得越high，同佢一齐越耐，我做主佢做奴嘅心态就越浓，吾通呢个就系人嘅原始本性？我又是否长久追求呢种关系呢？但系咁样继续落去人就好容易会迷失响呢个情慾游戏中，不能自拔。每次同佢搅嘢前後心里面都会有挣扎，对佢已经冇咗开始果阵时嘅感觉，印象好似越嚟越陌生，关系就越嚟越疏离．．．我都冇预期我哋嘅关系会发展到呢个地部，究竟呢个系阿ken嘅问题？还是系Johnny嘅出现令我见异思迁？但而家我同佢嘅关系似乎已经无法逆转．．．近呢几日吾知系吾系阿ken嘅「生意」好咗，定系佢嘅「需要」少咗，少咗上离我度，我相信大家都feel到有ｄ嘢发生咗，只不过都选择逃避，心照不宣．．．咁都好，因为呢几日我脑里面都系盘旋着Johnny同卓晧嘅事，根本冇空间再谂阿ken．．．

    今日响信箱度收到一封神秘信件，信里面有一只「手指」，我下意识相信系Johnny比我嘅，返到屋企开咗佢，果然系Johnny比我嘅，里面有两样嘢，首先有佢讲过有关卓哠潜入黄sir书房度开佢部电脑抄嘢嘅片段，佢嘅面容响咁多年之後再一次出现响我眼前，即刻谂返起好多同佢一齐嘅画面．．．第二样嘢就系一d有关卓晧嘅资料，包括生活习惯、经济状况、身边嘅朋友、经常接触嘅人，连平时经常打趸同食嘢嘅地方都有，其本上系一份非常完整嘅情报档案，比我做嘅更加专业，Johnny果然系厉害。有晒呢d资料，我就可以好容易咁去接近佢！但系我都重未决定会吾会将呢ｄ料通报阿头，同埋用咩方式去接近佢．．．

    原来卓晧嘅父母响几年前已经过身，佢细佬就响一间社区中心做紧活动助理，经济情况都算系几好，都有吾少储蓄，而家住紧嘅物业响几年前都已经供完，所以基本上冇经济问题，但又未去到吾驶做果只。佢吾系经常同黄sir见面，只系用p沟通，不过就用咗好多暗语，其他人根本睇吾明。卓晧为人好低调，冇一般黑人物咁有成班古惑仔跟尾，做嘢多数都系个人行动，平日都系去茶餐厅食吓饭，出入揸日本家庭车，吾好名牌，夜蒲就更加吾多，除咗做嘢外，花得最多时间嘅就系陪住个细佬。佢细佬自从比人炒咗冇做警察後，就去咗一间社区中心做活动助理，工作简单，相片中睇到佢都系高高大大，一表人才，吾讲就真系成个警察咁款，原来佢重系要定期睇医生同食药，因为佢吾再系警察，所以都系睇私家医生，医药费对卓晧离讲嘅负担都吾轻。

    我决定吾将呢单料讲比阿头知，正如Johnny讲，到呢一刻都未肯定阿头会吾会系佢哋嘅同路人，我都吾想咁快打草惊蛇，到时害咗卓晧咪大件事？而家唯有瞒住阿头去做嘢！

    经过一轮考量，我决定去卓晧做gym嘅地方出现，再乘机同佢相认．．．．根据资料卓晧每星期都会上gym一至两次，时间就好飘忽，不过主要都系早上送咗细佬返工後先去，所以我就先去佢去开嘅gym中心登记为会员，再希望会见到佢，亦都顺道打听吓有关佢嘅嘢．．．

    个gym ter吾系连锁集团果只，系独立经营，面积都算几大，中心位处都几偏僻嘅商业大厦，又好低调，出面冇咩大型宣传，我谂都主要系做熟客生意。试过有几日响楼下观察，四周围人流吾多，比较多人嘅时间就系返工前同放工後，所以卓晧都似乎避开呢ｄ时间。睇嚟呢间中心都冇咩可疑，可能都系卓晧平时比自己休息放松吓嘅地方，所以我决定上去。入到去做咗简单嘅登记，呢度比我嘅感觉都几好，乾乾净净，职员都系几nice，起码吾似出面果ｄ连锁中心咁ｄ职员当你系羊牯咁噤，不断游说你买呢样果样．．．，上到去都几舒服，吾怪得卓晧都钟意嚟呢度。同职员搭讪咗几句罗吓料，都吾敢问得太多，以免惹人怀疑。

本章尚未完结,请点击下一页继续阅读---->>>