分卷阅读36(1/2)

    第二十章

    上回讲到自己好巴闭咁离开咗人地一家人，一个人咁走咗去，仲要好硬颈咁唔接受ALVIN为我买?早餐就孤身上路。讲真我都成日独家村好毒咁一支公旅行，一路上为自己建立专属行程，将眼见到?风景用心去感受再记入个脑，如果同朋友去成日都系影相影相，好多应该用眼睇?野好多时都系透过个镜头睇，而我最唔想就系咁做，其他人成日都会问点解我咁钟意一个人，可能我就系想静下，特别系呢个时候，更加要去谂谂自己跟住系想点行，同ALVIN甚至系佢一家人?关系又应该系点。

    走左之後去左高山，去左白川乡同金泽，自由?呢五日生活其实都好写意，当然ALVIN无时无刻都会黎问我喺边做紧咩有无食野等等，阿允都会SEND佢地一家好开心合照俾我睇，见到佢地我开始唔系好明点解ALVIN可以做戏咁叻，同时可以锺意两个人，将呢两个人放埋一齐就算去旅行佢都唔怕，自问我真系做唔到好似佢咁劲。当然一个人就谂好多唔应该谂?野，不过自己又好想知好想同人比较，为咗唔好令自己变成一个怨妇如果唔使搵路我会熄咗I去，等自己真系可以静心享受呢个地方。其实夏天?日本没算有好多野可以睇，白川乡合掌屋都无咗冬天果重好似画?感觉，不过好多风土人情上?野真系好正，有时去到一间CAFE食饭老板娘会黎同你倾下计，同时佢地都会教咗我好多野，见到佢地真心咁对客，由心咁照顾每一个喺外地黎?游客，而佢地系开心乐意咁做，无压力?生活实在系太爽啦。

    喺金泽HOSTLE遇到一件好不得了?事，话说男DORM本身都会成日见到啲人唔着衫咁行黎行去，特别系外国男人就更加有呢个情况出现，早就已经见怪不怪，不过系无谂过一入门口就见到有一对男女喺度扑野，更加夸张?系房入面仲有其他人各自做紧唔同?野，个男仔就训咗喺下隔床而个女仔就坐咗喺佢上面UN，同场仲有一个日本男仔同澳洲人，因为个扑野男女都系一个3/40岁?老人所以大家都无咩反应，佢地有佢地扑而我同佢地SAY咗HI就执野准备出去，个日本男仔见到我出咗房门就跟埋我一齐出去，呢位日本先生问我想去边同埋可唔可以一齐四围行下，我见佢都系後生仔而我又无咩特别目地的就同佢咗佢一齐行。之後问反原来佢系东京人，27岁，之前喺英国(好似系)W HOLIDAY咗两年，发觉原来去咗咁多个国家反而自己国家就未去过。就好似我地明明生於香港而内地咁大咁靓，又有几多个人真系去过晒咁多个地方？所以佢决定用多半年时间去行晕成个日本，同佢由车站一直行咗去茶屋街，再行去金泽城，因为都已经七点几个天都好黑，去到都收晒门而我地只可以喺外围行，静静地咁两个人倾左好多野，同时佢都教咗我好多野。点解有时会见到居酒屋门口会挂全个大灯笼，又点解日本?城点解有咁多间房，屏风上唔同动物又表达紧啲咩，夜间?城开晒灯而远处又有个博物馆又开着灯，有个浪漫?感觉出咗黎，如果同我行?唔系呢个日本仔而系ALVIN应该会几好，又或者转个角度讲，如果我锺意?系呢个男仔而唔系ALVIN都应该会舒服好多。

本章尚未完结,请点击下一页继续阅读---->>>