分卷阅读19(1/1)

    第十一章

    上回讲到知道左ALVIN老婆有咗之後醒左一醒，觉得唔应该再将呢段关系继续，

    不过一黎自己又唔舍得，另一方面ALVIN又好正面咁同我讲有感觉，或许我都应该好好咁谂清楚，

    之後大家应该系点行，但又真系好想见一见佢，所以约左佢出尖沙咀饮杯野，当系见下又好，

    认清楚自己感觉又好。我比起约定时间早左成半个钟去到，因为根本都心不在焉，唔知见到佢可以讲咩好，

    我叫左一支红酒一路饮一路等，因为我知道佢黎到都一定系叫呢支，上次同佢食饭佢已经话呢支好正。

    等左三个未多啲ALVIN就到左，我睇得出佢好紧张好怕我点谂，讲真要谂嘅我都嘅通左，

    我识佢嗰刻就已经知道佢有老婆有个仔，根本都无咩期望，所以都唔知可以失望啲咩。

    所以我主动咁同佢打咗个招呼

    ALVIN：你咁早嘅？我以为我会早过你

    我：HALL出黎太远预错左时间

    ALVIN：你咁快已经饮左半支酒？

    我：咁咪留返半支俾你罗，你想饮呢支定叫过另一支？

    ALVIN：不如你叫啲野食先啦，你未食野就咁饮.....

    其实我唔系一个唔饮得嘅人，平时朋友生日都会出去酒吧同朋友劈，不过都系饮支绿，

    唔系好识分咩叫靓红酒，所以唔系好识饮啲靓野，不过可能我LUNCH都未食

    个胃真系痛痛地，不过我无同佢讲，因为我唔系借酒浇愁，只系等等下唔觉唔觉饮多左。

    我：我OK喎，你想食咩？不如叫个意粉先，真系有啲饿

    ALVIN：傻仔，叫酒饮又唔叫埋野食，你都得架啦。

    我：谂住等埋你嘛，其实我无野，你唔使咁紧张

    ALVIN：对唔住！

    我：唔好讲呢啲啦，唔好要我安慰返你转头

    ALVIN：你就系咁，明明唔开心又会扮无野，我想知你谂咩呀？

    我：(又饮多左啖酒，再帮ALVIN倒左一杯) 我无谂咩，咁有咗咪有咗罗，你之前都有阿允啦

    ALVIN：如果你唔介意又点会话同我算？

    我：咁唔算又可以点，我都唔知自己系边个

    ALVIN：我知我俾唔到啲咩你，咁你想我点？离左婚同你一齐？

    我：................

    我：咁所以我咪话左无野罗，唔系你仲想我讲啲咩？

    我本来想讲我自己都有出去玩，不过我知如果咁讲佢一定会发癞，所以我咩都无讲，

    大家都决定左以呢个关系继续落去，讲真我都唔知叫做系咩关系，不过唔好再喺我可以得到啲咩，

    佢又可以俾到啲咩我呢个问题上打圈就总算系好事，我又可以做返我开开心心忙到`仆街嘅史宾沙！

    大家呢晚倾左好多野，听佢讲佢读书时嗰啲辛苦事，点解唔去医院做好型嘅医生要做细诊所，

    仲要只系喺人地度挂牌，原来佢怕嘅野都好多，唔敢面对死亡，又唔想咁大压力咁，

    而我亦都同佢讲宜家我做紧电视嗰啲好笑野，大家仲叫多咗一支红酒同一支香宾，到差唔多大家都醉醉地，

    不过我总觉得医生哥哥应该系唔会咁醉嘅，因为佢成晚都系倒酒俾我，唔见佢真系有饮到好多，

    走嗰阵我问咗佢一句；

    我：你有无揸车黎？

    ALVIN：无呀，我屋企无人，老婆同阿允返左大陆同外母玩两日

    我：咁大件事？

    ALVIN：你会唔会送我返屋企呢？

    我都未答佢好唔好佢就已经截咗架的士车我返佢屋企........

    待续??

本章已阅读完毕(请点击下一章继续阅读!)