分卷阅读4(1/2)

    第三章

    上回讲到自己连碗厚切餐肉公仔面都未食就喺梳化上面训左，真系瘀到爆炸

    竟然喺学生家长面前咁训到成只猪咁，训训扎醒望下个钟见到系半夜两点几，

    谂住执埋啲野鬼鬼鼠鼠咁走，

    想开门嘅时候突然UNCLE ALVIN着住件V-EE短裤走左出黎，

    我：唔好意思呀！我系唔系嘈醒左你呀？

    ALVIN：唔系，我以为老婆返黎嗜。走嗱？我车你返去？

    我：唔使啦！我自己搭的士得啦，你继续训啦唔使理我。

    ALVIN：唔好，话晒都系阿允搅到你咁夜，一系你喺度训一晚一系我送你走你拣？

    面对住一个男人咁样嘅要求我又点可以抗拒得到，最後都系决定训一晚。唔知系有心定无意，

    佢拎左件白色S SIZE背心同一条白底红边BRIEF底底俾我，咁当然系有短裤啦，

    夜麻麻又系人地屋企都唔要求咁多是但冲完就快啲训多阵

    虽然自己一直都好想试下个风吕浴室但无谂过系喺呢个情况去试

    冲到一半时ALVIN问我要唔要牙刷佢话拎入黎俾我，无意识之下开左门俾佢入黎

    因为平时打拳个个师兄弟都系大浴场咁一齐冲凉，所以唔会话有啲咩唔俾人见得

    无为意佢系我一个学生嘅爸爸，应该系要有返小小距离先啱。

    佢入到黎上下打量左我一眼，吹左下口哨，〝身材几好喎〞，我当堂好尴尬咁面都红晒。

    我：UNCLE，我见到牙刷架啦，自己黎就得

    ALVIN：都话唔好叫UNCLE，叫我ALVIN嘛，咁啲咁我放喺度，一阵你训我房啦，我训梳化就得

    我：唔好，咁点好意思，我训梳化啦

    ALVIN：我又点可以俾客人咁呢？得架啦，梳化我霸左架啦，你训我张床，唔好推啦

    虽然呢位UNCLE个样真系好後生，不过讲起野上黎真系好权威，令我唔知点拒绝佢。

    冲完凉出到去见到佢一个人喺梳化上面无被又无枕头，仲要五月嘅天气无开冷气，

    觉得好似我霸左佢张床唔系好啱咁，如果佢训得唔好无精神做野又更加死，

    所以就胆粗粗问左佢一句：

    我；如果你唔介意不如一齐训啦，横掂你系双人床

    ALVIN：咁你唔怕我实OK架

    我：咁你怕我反训会分踢亲你嘅咁我都无咩好怕。

    ALVIN：咁我揽紧你咪唔怕罗

    我：唔好讲笑啦，听日返早，快啲训。

    呢一晚系我第一次训喺佢张床上面，个感觉其实系几怪嘅，因为佢系一个有老婆嘅男人，

    同自己个仔嘅补习老师一齐训喺平时同老婆扑野嘅地方，呢一晚我地无野发生过，

    不过训喺佢隔离系有一种讲唔出嘅安心感觉。

    因为我第二朝有八半堂，所以七点几就起左身，见到我隔离训左个男人，真系好耐无同人训过夜，

    想好好咁珍藏呢一刻嘅感觉，一个简单而又幸福嘅感觉。

    就喺呢个时间突然ALVIN起左身，拎左过黎一个转身扒左喺我个身上面，向住我块面深深咁咀左一啖

    〝快啲起身啦猪猪。〞

    我即刻呆左一呆，以为之後有咩事发生，同时佢都望住我，应该系话望得清楚系我，好尴尬咁弹开左。

本章尚未完结,请点击下一页继续阅读---->>>