分卷阅读24(1/1)

    Page.18﹒日行一线

    自那晚起，我就没有再想呢件事同那样幻想。转眼间，又到暑假了。唔知系咪觉得自己好坏，所以我参加了童军。身边的同学都话我点解升中五先黎参加，好似唔洗会考咁。我真系唔多明白，可能真系觉得自己好坏，要日行一线。

    参加童军第一日，有个40几岁的黄Sir问：「如果你有兴趣……又得闲……星期六、日又唔洗补习……又有钱买制服，先好继续留系度。如果唔系，请你地离开，下次有机会再参加。」心想：「哗﹗好巴闭咩﹗但系我就留系度睇下你有几巴之闭。」

    走下走下，由成百人走净30、40人，呢个黄Sir真系好得利害。走左一大批人後，有另外几位阿Sir入左黎，包括：李Sir（23岁……好肥……好似一只巨猪）、张Sir（25岁……好Fit……但系个样同许愿有得挥）同梁Sir（24岁……一句讲晒 — Sunny Boy）。忽然心想：「唛做阿Sir可以咁後生﹖我仲以为个个好似黄Sir咁，成40几岁又有大肚腩。」

    「各位，你地留得系度，就代表你已经系童军。宜家有3位阿Sir教你地成为一个好童军。佢地分别系李Sir、张Sir同梁Sir，佢地3个都得过奖，所以你地要向佢地好好学习。」黄Sir好严肃咁讲。

    跟住，成班人就落左操场学步操，即系果D「Left……Left……Left……Right……Left……」

    哗﹗之前睇3位阿Sir斯斯文文，点知一落到场就好死恶，又要呢样，又要果样。我操到成个人散晒，好累好累，一到Break，我即刻去买野饮。

    「Hello……你叫咩名呀﹖你操得几好。」李Sir行黎问我。

    「我叫阿页。好﹖多谢。」佢玩我咩，操到走晒样都话好。

    「你俾心机啦，你有Potential嫁。」真系多谢晒。不过，其实我见李Sir个幅专容，我真系冇Mood同佢讲野，因为核突到我唔够敢正面望佢。

    转下眼，我地已经操左3个钟，系时候解散走人。

    「各位……下星期六同样时间同地点再见面。」

    过左一星期，又系集会时间。

    「Move To The Right, Right Turn……」真系有D闷，来来去去都系呢D野。

    又到休息时间了……

    「阿页，你操得唔错。」李Sir忽然行过黎。

    「多谢﹗」傻更更咁回应。

    「黎紧8月会搅个Training Camp，我想搵你做其中一组的Group Leader。」李Sir好似好有诚意咁讲。

    「下﹗要做D咩嫁﹖我咩都唔识嫁喎。」吓死人咩……无啦啦要我做「大佬」……会唔会「咩获」嫁﹗

    「好简单嫁炸，你一定做得黎，就预左你先。」心想：多谢你欣赏我，不过我好似冇应承你喎。

    上一篇：Page.17﹒浴室里的哭泣

    下一篇：Page.19﹒六个喘气的赤条条男孩

本章已阅读完毕(请点击下一章继续阅读!)